ಪ್ರಕೃತಿಯತ್ತ ನಮ್ಮ ಪಯಣ

ಚಾರಣ ಹೋಗಬೇಕೆಂದು ತುಂಬಾ ದಿನದಿಂದ ಅಂದುಕೊಂಡ ಆಸೆ ಕೈ ಗೂಡಿತು. ನರಸಿಂಹ ಪರ್ವತಕ್ಕೆ ಹೋಗುವ ದಿನ ಭಾನುವಾರ 11-2-2024 ಬೆಳಿಗ್ಗೆ 7:30 ಕ್ಕೆ ಕಿಗ್ಗಾ ದೇವಸ್ಥಾನದ ಮುಂದೆ ಚುಮು ಚುಮು ಮುಂಜಾನೆಯಲ್ಲಿ ಶಾಲಾ ಮಕ್ಕಳು, ಶಿಕ್ಷಕರು ಮತ್ತು ಪೋಷಕರು ಬಂದು ಸೇರಿದೆವು. ಪರ್ವತವನ್ನು 8 ಗಂಟೆಗೆ ಹತ್ತಲು ಶುರುಮಾಡಿದೆವು.

ನನಗಂತೂ ಇದು ಮೊದಲ ಅನುಭವ. ತುಂಬಾನೆ ಖುಷಿ ಯಾಗಿದ್ದೆ. ಸುತ್ತ ಮುತ್ತ ಇರುವ ಗಿಡ ಮರಗಳು ಹಚ್ಚ ಹಸಿರಿನಿಂದ ಕೂಡಿದ ಪ್ರಕೃತಿಯನ್ನು ನೋಡಿ ನಾನು ತುಂಬಾ ಸಂತೋಷ ಪಟ್ಟೆ. ಕಾಡಿನ ಮಧ್ಯೆ ಪುಟ್ಟದಾದ ಕಾಲುದಾರಿಯಲ್ಲಿ ಅಂತೂ ಅರ್ಧ ಪರ್ವತವನ್ನು ಹತ್ತಿದೆವು. ಎಲ್ಲರಿಗೂ ಸುಸ್ತಾಗಿತ್ತು. ಹಾಗಾಗಿ ಅಲ್ಲಿಯೇ ಇದ್ದ ಒಂದು ಬಂಡೆಯ ಮೇಲೆ ಕುಳಿತುಕೊಂಡು ಸ್ವಲ್ಪ ದಣಿವಾರಿಸಿಕೊಂಡೆವು. ಅಲ್ಲಿನ ಸುಂದರವಾದ ನಿಸರ್ಗವನ್ನು ನೋಡಿ ನನ್ನ ಮನಸ್ಸು ಹೇಳಿತು.

ಎಲ್ಲೆಲ್ಲೂ ಹಸಿರಿನ ವನಸಿರಿಯು ಮೈದಳೆದು

ಕೈ ಬೀಸಿ ಕರೆಯುತಿದೆ ತನ್ನ ಮಡಿಲಿಗೆ ಕಣ್ಮನಸೆಳೆದು

ಪ್ರಕೃತಿ ದೇವಿಯು ನೆಲೆಸಿಹಳು ಜೀವ ತಳೆದು.

ಸ್ವಲ್ಪ ವಿಶ್ರಾಂತಿಯ ನಂತರ ಮತ್ತೆ ಪರ್ವತವನ್ನು ಹತ್ತತೊಡಗಿದೆವು. ಆದರೆ ನಾನು ಅಂದುಕೊಂಡ ಹಾಗೆ ಪರ್ವತವನ್ನು ಹತ್ತುವುದು ಅಷ್ಟು ಸುಲಭದ ಮಾತಾಗಲಿಲ್ಲ. ತುಂಬಾನೆ ಆಯಾಸವಾಯಿತು. ಆದರೂ ಲೆಕ್ಕಿಸದೆ ಪರ್ವತವನ್ನು ಹತ್ತಿದೆವು. ತುಂಬಾನೆ ಖುಷಿಯಾಯಿತು. ಆ ಬೆಟ್ಟದ ಮೇಲೆ ನೆಲೆಸಿರುವ ನರಸಿಂಹ ಸ್ವಾಮಿಯನ್ನು ನೋಡಿ ಅಲ್ಲಿನ ಪುರಾತನದ ಕಥೆಯನ್ನು ತಿಳಿದುಕೊಂಡೆವು.

ಆಗ ನೆನಪಾದ ಒಂದು ಕವನ:

ಪ್ರಕೃತಿ ಅದೆಷ್ಟು ರಹಸ್ಯಗಳನ್ನು ತನ್ನೊಡಲಲ್ಲಿ ಅಡಗಿಸಿಕೊಂಡಿದೆ

ತೆರೆದಷ್ಟು ಗರಿಗೆದರುವ ಪುರಾತನದ ಮಹತ್ವಗಳು

ನಿಸರ್ಗದ ನಿಗೂಢತೆಯನ್ನು ಕಂಡು ಬೆರಗಾದೆ ನಾ

ದೇವರ ಸೃಷ್ಟಿಯಲ್ಲಿ ನಿಸರ್ಗ ವಿಸ್ಮಯಗಳ ತಾಣ.

ಅಲ್ಲಿಯ ಸೊಬಗನ್ನು ವರ್ಣಿಸಲು ಪದಗಳೇ ಸಾಲದು. ನಾನಂತೂ ಮೂಕವಿಸ್ಮಯಳಾಗಿ ಕುಳಿತುಕೊಂಡೆ. ಹಚ್ಚ ಹಸಿರಿನಿಂದ ಕೂಡಿದ ಈ ನರಸಿಂಹ ಪರ್ವತದ ಸುಂದರವಾದ ಪ್ರಕೃತಿಯಲ್ಲಿ ನಾನು ಕುಳಿತಾಗ ಮರೆತೆ ನನ್ನೆ ನಾನು.

ಎಂದೂ ಕಾಣದ ಸೊಬಗನ್ನು ಕಂಡೆ ಎಂದು ಹೇಳಿದವು ನನ್ನ ಕಣ್ಣುಗಳು

ಆಗ ನನ್ನ ಮನಸ್ಸು ಗರ್ವದಿಂದ ಹೇಳಿತು

ಈ ನಿಸರ್ಗದ ಸೌಂದರ್ಯವನ್ನು ಕಂಡಿದ್ದು ನನ್ನ ಪುಣ್ಯವೆಂದು.

ಅಂತೂ ಬಹುದಿನದ ಆಸೆ ಈಡೇರಿತು. ನರಸಿಂಹ ಪರ್ವತವನ್ನು ನೋಡಿ ಎಲ್ಲರೂ ಕ್ಷೇಮದಿಂದ ಮರಳಿದೆವು.

************************

ಪವಿತ್ರ ಎಸ್. ಕೆ

ಅತಿಥಿ ಶಿಕ್ಷಕರು

ಸ.ಹಿ.ಪ್ರಾ. ಶಾಲೆ ಗಂಡಘಟ್ಟ

ಪ್ರಕೃತಿಯ ರಮ್ಯ ತಾಣಕ್ಕೆ ನಮ್ಮ ಚಾರಣ

ಇಂದು ಫೆಬ್ರವರಿ 11, 2024 ರ ಭಾನುವಾರ. ನಾನು, ನನ್ನ ಪುಟ್ಟ ಕುಟುಂಬದೊಂದಿಗೆ ಶೃಂಗೇರಿಯಿಂದ 13 ಕಿ.ಮೀ ದೂರದಲ್ಲಿರುವ ನರಸಿಂಹ ಪರ್ವತಕ್ಕೆ ಚಾರಣಕ್ಕೆಂದು ಹೊರಟೆ. ಮುಂಜಾವಿನ ಚಳಿಯಲ್ಲಿ ನಾನು ನಮ್ಮ ಗುಂಪನ್ನು ಕಿಗ್ಗ ದೇವಸ್ಥಾನದ ಬಳಿ ಸೇರಿಕೊಂಡೆ. ನಾನು ಪ್ರತಿದಿನ ಶಾಲೆಗೆ ಬರುವಾಗ ನರಸಿಂಹ ಪರ್ವತವನ್ನು ನೋಡುತ್ತಿದ್ದೆ. ಅದನ್ನು ಒಮ್ಮೆಯಾದರೂ ಕಣ್ತುಂಬಿಕೊಳ್ಳಬೇಕೆನ್ನುವ ಆಸೆ ಇತ್ತು .ಇಂದು ಆ ಆಸೆ ಈಡೇರುವ ಸಮಯ.

ಶಾಲಾ ಶಿಕ್ಷಕರು, ಮಕ್ಕಳು ಮತ್ತು ಪೋಷಕರನ್ನು ಒಳಗೊಂಡ ನಮ್ಮ ತಂಡದ ಚಾರಣ ಪ್ರಾರಂಭವಾಗಿದ್ದು ಕಾಲ್ನಡಿಗೆಯಲ್ಲಿ. ದೇವರಿಗೆ ನಮಸ್ಕರಿಸಿ ನಮ್ಮೆಲ್ಲರ ಪಯಣ ಸುಖಕರವಾಗಿರಲೆಂದು ಬೇಡಿಕೊಂಡು ಮುಂದೆ ಸಾಗಿದೆವು. ಎಲ್ಲರ ಹೆಗಲ ಮೇಲೂ ಒಂದೊಂದು ಚೀಲ. ಆ ಚೀಲದಲ್ಲಿ ನೀರಿನ ಬಾಟಲಿಗಳು, ದಾರಿಯ ಮಧ್ಯದಲ್ಲಿ ಬೇಕಾಗುವ ತಿನಿಸುಗಳು ಇದ್ದವು. ಕಾಡಿನ ಮಧ್ಯದಲ್ಲಿ ಹೋಗುವ ಕಾಲುದಾರಿ, ಒಬ್ಬರೇ ನಡೆಯುವಷ್ಟು ಜಾಗ ಮಾತ್ರ. ಒಬ್ಬರು ಜಾರಿ ಬಿದ್ದರೆ ಎಲ್ಲರೂ ಒಟ್ಟಿಗೆ ಬೀಳುವಂತಹ ದಾರಿ. ಕಾಡಿನಲ್ಲಿ ಸಾಗುತ್ತ ಎಷ್ಟೋ ವರ್ಷದ ಗಟ್ಟಿಮುಟ್ಟಾದ ಗಿಡಮರಗಳು, ಹಕ್ಕಿಗಳ ಕಲರವ, ಕಾಡು ಹಣ್ಣುಗಳು, ಕಾಡಿನ ತಂಗಾಳಿ, ಗಿಡಗಳ ಮಧ್ಯೆ ಓಡಾಡುವ ಪುಟ್ಟ ಪ್ರಾಣಿಗಳನ್ನು ಗಮನಿಸಿದೆವು. ನಾವು ಮಕ್ಕಳೊಂದಿಗೆ ಹರಟುತ್ತಾ ಮಧ್ಯ ದಾರಿಗೆ ಬಂದೆವು.

ಅಲ್ಲೊಂದು ದೊಡ್ಡ ಕರಿದಾದ ಬಂಡೆ. ಅದರ ಮೇಲೆ ಕುಳಿತು ವಿಶ್ರಾಂತಿ ಪಡೆದು ಮುಂದೆ ನಡೆಯುತ್ತ ಹೋದೆವು. ಬೆಟ್ಟದ ಹತ್ತಿರ ಬಂದೆವು. ಹತ್ತಿರ ಬಂದು ಮೇಲೆ ನೋಡಿದರೆ ಜಾರುಬಂಡೆಯಂತ ದಾರಿ. ಅದನ್ನು ದಾಟಿ 10 ಗಂಟೆಗೆ ಬೆಟ್ಟವನ್ನು ತಲುಪಿದೆವು. ಬೆಟ್ಟದ ಮೇಲೇರುತ್ತ ಹೋದಂತೆ ತಂಪಾದ ಗಾಳಿ, ಅತಿ ಹೆಚ್ಚು ಬಿಸಿಲು, ಹಾಗೆ ನಡೆದು ಮುಂದೆ ಸಾಗಿದಾಗ ನಮಗೆ ಮೊದಲು ಕಂಡಿದ್ದು ಪುಣ್ಯ ಮತ್ತು ಪಾಪದ ಕೊಳಗಳು, ಅದರಿಂದ ನೀರು ತೆಗೆದು ತಲೆಯ ಮೇಲೆ ಹಾಕಿಕೊಂಡು, ಸ್ವಲ್ಪ ನೀರು ಕುಡಿದು, ಪರ್ವತದ ಮೇಲೆ ನೆರಳಿರುವ ಜಾಗಕ್ಕೆ ಬಂದೆವು. ಅಲ್ಲಿ ಸ್ವಲ್ಪ ವಿಶ್ರಾಂತಿ ಪಡೆದು ಮತ್ತೆ ನಡೆಯುತ್ತಾ ಪರ್ವತದ ತುತ್ತ ತುದಿಯನ್ನು ತಲುಪಿಯೇ ಬಿಟ್ಟೆವು. ಅಲ್ಲಿ ಮೊದಲು ನರಸಿಂಹ ದೇವರನ್ನು ಕಂಡೆವು. ದೇವರಿಗೆ ನಮಸ್ಕರಿಸಿ ದೇವರ ಎದುರಿನಲ್ಲಿರುವ ಬಸವಣ್ಣ, ಕಲ್ಲಿನ ದೀಪಗಳನ್ನು ನೋಡಿ, ಅಲ್ಲೇ ಎತ್ತರದ ಬಂಡೆಯ ಮೇಲಿರುವ ವಿಭಾಂಡಕ ಮುನಿಗಳ ಪಾದಕ್ಕೆ ನಮಸ್ಕರಿಸಿದೆವು. ಹಾಗೆ ಮುಂದೆ ಹೋದೆವು.

ಅಲ್ಲಿ ದೊಡ್ಡ ಬಂಡೆಯ ಕಲ್ಲಿನ ಮೇಲೇರಿ ನಿಂತೆವು . ನಮಗೆ ಕಂಡದ್ದು ಸುಂದರವಾದ ಆ ದೃಶ್ಯ. ಅದೇನೆಂದರೆ ದೂರದಲ್ಲಿ ಕಾಣುವ ಬೇರೆ ಪರ್ವತಗಳು ಒಟ್ಟಿಗೆ ಸೇರಿಕೊಂಡಂತೆ, ಪರ್ವತ ಆಕಾಶಕ್ಕೆ ಅಂಟಿಕೊಂಡಿದೆಯೇನೋ ಅನ್ನಿಸುತ್ತಿತ್ತು. ಬೆಟ್ಟದ ಮಧ್ಯದಲ್ಲಿ ಕಡುಹಸಿರು ಬಣ್ಣದ ಮರಗಳು, ಪರ್ವತದ ಮೂಲೆಗಳಲ್ಲಿ ಕಾಣಿಸುತ್ತಿದ್ದ ಮಂಜು, ಕೆಳಗೆ ನೋಡಿದರೆ ಭಯವಾಗುವ ಆಳ, ದೂರದಲ್ಲಿ ಬೆಂಕಿಪೊಟ್ಟಣಗಳಂತೆ ಕಾಣುವ ಮನೆಗಳು, ಅಲ್ಲಲ್ಲಿ ಪ್ರಾಣಿಗಳು ಓಡಾಡಿರುವ ಜಾಗ. ಇದೆಲ್ಲ ಪ್ರಕೃತಿಯು ನಮಗೆ ನೀಡಿರುವ ಉಡುಗೊರೆಯಂತೆ ಭಾಸವಾಗುತ್ತಿತ್ತು. ತುಂಬಾ ಹೊತ್ತು ಅಲ್ಲೇ ಕುಳಿತು ಮನಸ್ಸಿನಲ್ಲಿ ಇಂತಹ ಅದ್ಭುತವ ನೋಡಲು ಅವಕಾಶ ಸಿಕ್ಕಿತಲ್ಲ ಎಂದು ನಮ್ಮ ತಂಡಕ್ಕೆ ಧನ್ಯವಾದ ತಿಳಿಸಿದೆ. ಬೆಟ್ಟದ ತುತ್ತತುದಿಯಿಂದ ಇಳಿದು ನೆರಳಿರುವ ಜಾಗಕ್ಕೆ ಮತ್ತೆ ಬಂದು ಕುಳಿತೆವು. ಆಗ ಮಧ್ಯಾಹ್ನದ ಸಮಯ ಚೀಲದಲ್ಲಿರುವ ಎಳೆಸೌತೆಕಾಯಿ ತಿಂದು, ಪಾನಕವನ್ನು ಕುಡಿದು, ಅವಲಕ್ಕಿಯನ್ನು ಮೊಸರು ಸಕ್ಕರೆಯೊಂದಿಗೆ ಸೇರಿಸಿ ಸವಿದೆವು. ಮಕ್ಕಳೊಂದಿಗೆ ಅಂತ್ಯಾಕ್ಷರಿ ಆಟವನ್ನು ಆಡಿದೆವು.

ನರಸಿಂಹ ಪರ್ವತದ ವಿಶೇಷತೆಯೇನು ಎಂಬ ತಿಳಿಯುವ ಕುತೂಹಲ. ಪರ್ವತದ ಕುರಿತು ಕೆಲವು ಪಶ್ನೆಗಳು. ಇವೆಲ್ಲದಕ್ಕೂ ಸರಿಯಾದ ಮಾಹಿತಿಯನ್ನು ಪೋಷಕರು ನಮ್ಮ ಮುಂದಿಟ್ಟರು. ವಿಭಾಂಡಕ ಮುನಿಗಳು, ನರಸಿಂಹ ದೇವರು, ಋಷ್ಯಶೃಂಗ ದೇವರು, ಕೊಳಗಳ ಮಹತ್ವ, ಪರ್ವತದ ಮೇಲಿದ್ದ ಅಜ್ಜಿಯ ಮನೆ, ಗೋಡೆಗಳು ಮಾತ್ರ ಉಳಿದಿರುವ ಮನೆಗಳ ಚಿತ್ರಣವನ್ನು, ಅವುಗಳ ಹಿನ್ನಲೆಯನ್ನು ವಿವರಿಸಿದರು. ಪರಿಸರದ ಸೊಬಗನ್ನು ಮನಸ್ಸಿನಲ್ಲಿ ತುಂಬಿಕೊಂಡು ,ಜಂಗಮವಾಣಿಯಲ್ಲಿ ಸೆರೆಹಿಡಿದುಕೊಂಡು ಅಲ್ಲಿಂದ ಹೊರಟೆವು. ಇನ್ನು ಸ್ವಲ್ಪಸಮಯ ಅಲ್ಲೇ ಇದ್ದಿದ್ದರೆ ಸುಂದರವಾದ ಸೂರ್ಯಾಸ್ತವನ್ನು ನೋಡಬಹುದಿತ್ತು. ಹಾಗೆ ಬೆಟ್ಟವನ್ನು ಬಿಟ್ಟು ಬರಬೇಕಾದರೆ ಬೇಸರವಾಯಿತು.

ಎಲ್ಲಿ ಬೀಳುತ್ತೇನೊ ಎಂಬ ಭಯದಿಂದ ಅಮೆಗತಿಯಲ್ಲಿ ನಡೆಯುತ್ತ ಪರ್ವತದಿಂದ ಇಳಿಯತೊಡಗಿದೆವು . ಅಂತು ಸಂಜೆ 5.30 ರ ಹೊತ್ತಿಗೆ ಬೆಟ್ಟದಿಂದ ಇಳಿದು ಕಿಗ್ಗ ದೇವಸ್ಥಾನದ ಎದುರು ಬಂದೆವು. ನಮ್ಮ ಚಾರಣ ಸುಖಮಯವಾಗಿ ನೆರವೇರಿತು. ಮಕ್ಕಳ ನಗು, ಮಾತು, ಅವರ ನಡಿಗೆ, ಉತ್ಸಾಹ ಇವೆಲ್ಲವೂ ಚಾರಣದಲ್ಲಿ ನಮ್ಮನ್ನು ಹುರಿದುಂಬಿಸಿತ್ತು. ಕಲ್ಲುಬಂಡೆಗಳಿಂದ ಕೂಡಿದ ಪರ್ವತ ನೋಡಲು ಎಷ್ಟು ಸುಂದರ. ಪ್ರಕೃತಿ ನಮ್ಮೆಲ್ಲರ ಆಸ್ತಿ ಅದನ್ನು ರಕ್ಷಿಸೋಣ, ಮುಂದಿನ ಪೀಳಿಗೆಯವರಿಗೆ ನಮ್ಮ ಅನುಭವವನ್ನು ತಿಳಿಸೋಣ. ಅವಕಾಶ ಸಿಕ್ಕರೆ ನೀವು ಹೋಗಿ ಪರ್ವತದ ಸೊಬಗನ್ನು ಕಣ್ತುಂಬಿಕೊಳ್ಳಿ.

************************

ಸುಮ ಹೆಚ್.ಡಿ

ಅತಿಥಿ ಶಿಕ್ಷಕರು

ಸ.ಹಿ.ಪ್ರಾ. ಶಾಲೆ ಗಂಡಘಟ್ಟ

"Journey of Unity: Exploring with Our Awesome Team"

Narasimha Parvata is the tallest mountain in Agumbe, a beautiful area near Malnad. It's a popular spot for people who like to go trekking. The mountain is surrounded by thick forests, stunning landscapes, and a lot of different plants and animals. We decided to go on a trek with our kids to experience the beauty of nature. It was a bit tough, but it turned out to be an amazing and unforgettable experience.

We began our journey early in the morning when the air was cool. Our team from Gandaghatta started walking from Kigga Rishyashringa temple at 8 o'clock with a lot of energy. The starting path wasn't too steep, but it felt like a real trek. We chatted with the kids while slowly walking on the rocky path, even though we were a bit worried about what lay ahead. Climbing the hill felt like a playful adventure, with the kids struggling a bit in the last ten minutes. After two hours, we finally reached the top. The breeze up there seemed to take away all our tiredness.

After walking for so long, we forgot about being tired and just enjoyed being in nature. The kids were more excited than the adults, like they weren't tired at all. We saw two ponds, an ancient temple of Lord Narasimha, and footprints of Maharshi, which sparked our curiosity. The area is important for Hindus, known as a holy place where Vibhandaka Muni did penance. There's also a fascinating story about Nandi found in Ishwara temples.

Besides the history, the place was interesting because of its geography. The cool air felt nice, and the surroundings were beautiful. On one side were the familiar villages around Kigga, and on the other side were the rich forests, villages, and far-away towns of Dakshina Kannada district, making us proud of the hills' richness. The nature around us was a feast for our eyes, with diverse trees and signs of animals.

We only realized our stomachs were empty after enjoying the beauty of nature. We sat together under some trees, made and drank juice, and filled our stomachs with delicious avalakki gojju. We thought it's not right if we don't fill our brains with knowledge too.

After lunch, we sat with the locals who came with us to learn more about the place. The children gathered a lot of information by discussing things like Vibhandaka Muni, the secret of the birth of Rishyashringa Muni, Putrakameshti Yaga, Shantadevi's marriage, the story behind the tradition of ‘Kadiru Fetching’ still happening in the Kigga temple, and the stories they heard about their grandmother.

In the end, the trek to Narasimha Parvata gave us exciting experiences. It wasn't just a trip; it was a special moment to enjoy the beauty of nature. We were curious about the wonders of the mountains, and it left a lasting impression on our minds. It allowed us to connect with nature and experience a moment of truth.

**********************

Chithra CK Guest Teacher

G.H.P.S Gandaghatta